(CD: "Jodelhorrormonstershow")

I lieg auf meinem Kanapee und schlaf hoibat ei,

auf oamoi hör i ein Geräusch und denk des konn net sei,

denn wos i aufm Bildschirm siehg is wirklich ultrahart,

des is eine Begegnung der unheimlichsten Art!

A superblonde Barbiepuppn singt das Kufsteinlied,

drei Larven in am Heidi-Dirndl schunkeln zünftig mit,

ein Silberfisch im Trachtenanzug moderiert fidel:

"Und nun ihr lieben Leutl: Marianne und Michael!" 

Refrain:

Hollaradiri, hollaradiho, das ist die Jodelhorrormonstershow!

Hollaradiri, hollaradiho, das ist die Jodelhorrormonstershow!

10000 Zombis klatschn, a Bloskapoin marschiert,

mei Opa und mei Oma san total hypnotisiert,

die Schrankwand fangt zum Schunkeln o, es is ein Höllengraus!

Vom Fernseher do kriacht jetz da Musikantenstadl raus.

Die Zillertaler Schürzenjäger gehn auf d' Oma los, da Moik,

der sitzt beim Alpenglühn am Opa aufm Schoß.

D' Lolita deut aufs Kanapee: "Auf gehts, den pack ma glei!"

Jetzt haun s' ma im Dreivierteltakt an Jodeleinlauf rei!

Refrain

Mit allerletzter Kraft schoit i aufs 3. um,

vorbei der Jodelalptraum, i denk der Spuk is um.

Do siehg i in da "Rundschau" Gestalten glatt und fett,

getarnt im Trachtenanzug, ein Gruselkabinett:

Da Waigel, Beckstein, Gauweiler, da Stoiber und da Glück,

de fensterln hint beim Schönhuber mit weißblauer Musik.

Da Haider macht sei Fensterl auf und hebt die Hand zum Gruß,

jetzt singa's mitanand: "Schwarzbraun ist die Haselnuß!"

Refrain